hugleiðingar geðklofapizzu

Fljúgðu fljúgðu fljúgðu áfram

Sat, 19 Apr 2008 16:01:55 GMT

Hæjjjjjjjjjjjj :d

Ég var á leiðinni í ræktina í gær sem er nú svo sem ekki í frásögur færandi, nema hvað að það var föstudagur og ég í ræktinni milli 7 og 9 en ekki full ;) En já, back to basics, þá sá ég lítinn vængbrotinn fugl sem lá á bakinu og gat ekki hreyft sig og Harpa góða tók hann upp og kom honum á rétt ról þó að greyið væri nú ekki sáttur við þennan risa (ég var á leiðinni í ræktina, maður getur nú orðið sár þó maður fari ekki að grenja haha) en allavega.... þessi elska beit mig í þakklætisskyni og hoppaði svo úr höndunum mínum og að næstu bjórdós, alveg satt, hún var opin og allt... einhver sem hefur líka verið í ræktinni í fyrsta skipti seinnipartinn á föstudegi en orðið að hafa eitthvað af gamla lífinu sínu með hehe.... Ég skipti mér svo ekkert meira af honum fyrr en ég var á leiðinni heim aftur og gekk ofurhægt yfir allt stóra bílastæðið í Laugardalnum að skima eftir litla sæta fuglinum, þangað til ég sá bíl fullan af strákum sem voru að hlusta á techno og horfðu á mig stórum augum, þá náði ég aftur í kúlið, setti heyrnartólin á og labbaði beint upp á Reykjaveg rjóð í kinnum...

En svona til að gera stutta sögu langa (venjulega tekst mér það ekki en ég ætla ekki einu sinni að lesa yfir bullið hérna fyrir ofan hehe) þá er ég enn að hugsa til fuglsins og hvort hann hafi haft það af og með nístandi samviskubit yfir að hafa ekki komið þessari elsku til dýralæknis, ég er mikið að spá í að skilja kúlið bara eftir heima og fara og reyna að finna hann :(

Eða... halda áfram að læra... sagði ég halda áfram? ég meinti byrja :$

Harpa kveður í bili

Awesome

Thu, 10 Apr 2008 23:53:18 GMT

Ég hef ekkert að blogga um svo ég ætla bara að tileinka eitt blogg því hve Natti er awesome

Í stuttu máli: Natti er awesome!!!

Trúirðu mér ekki??? Hitti þig fyrir utan eftir 5 mínútur, engin vitni :klikk:

Valkvíði

Fri, 14 Mar 2008 01:52:39 GMT

Ég held, kannski, að ég gæti verið með valkvíða.
Sl. þriðjudagskvöld ætluðum við Nanna í bíó kl. 8 en hún komst ekki fyrr en 10. Þetta gerðist í hausnum mínum

Jájá, 10 er fínt
En er það ekki aðeins of seint?
Jújú, það sleppur, myndin er búin fyrir miðnætti
En nei, ég er að fara að vinna svo snemma í fyrramálið og ég er ennþá þreytt eftir Akureyri.
Æji það er ekki eins og ég fari fyrr að sofa
En ég nenni varla að klæða mig og fara út
En annars komumst við ekki fyrr en á sunnudaginn í fyrsta lagi, förum!
Æji ég er samt of löt og þreytt... sleppi þessu

Það var ekki verið að biðja mig að flytja í myrkustu frumskóga Afríku það sem eftir er lífsins!!!!!

Kv, Harpa

P.S. Anna: Flokkast þetta undir geðklofapizzuheilkennið?

Svefnvenjur á Hofteignum

Sat, 23 Feb 2008 17:47:14 GMT

Jæja skottin mín

Þá er enn einn þynnkulaugardagurinn runninn upp og var tekið fagnandi enda búin að bíða eftir honum síðan sunnudaginn fyrir tveimur vikum 8| Annars væri hamingjan líklega ekki svona mikil ef ég væri í alvöru þunn en mér tókst nú bara blessunarlega að sleppa við þann andskota í dag, ég vil þakka Önnu og ostafrönskunum á Ruby Tuesday :D

Meðan við sátum og hámuðum í okkur franskar viðurkenndi ég fyrir Önnu að svefnvenjur mínar eftrir djammið hafa ekkert breyst. Mér finnst alltaf jafn sniðugt þegar ég kem heim af djamminu að kveikja á tölvunni og msn-inu (til að tala við "alla" sem eru á msn kl 5 á aðfaranótt laugardags:$) og sjónvarpinu með það að markmiði að horfa á eina góða bíómynd. Undantekningarlaust næ ég ekki fyrstu fimm mínútunum og enda þar af leiðandi steinsofandi á sófanum í stofunni. Ég held að rúmið mitt hljóti að vera afbrýðisamt. Ég tók þetta lengra í nótt og svaf á minni sófanum og nennti ekki einu sinni að sækja teppið sem er í stóra sófanum svo ég hjúfraði mig bara að sjálfri mér til að gera heiðarlega tilraun til að halda á mér hita.... ég geri mér grein fyrir vandamálinu en ætli eitthvað sé að fara að breytast...??? niiiii.... sjáum til í kvöld ;)

Örverpi

Mon, 11 Feb 2008 17:33:51 GMT

Hvernig lífi lifum við sem erum langyngstu systkinin? Svona er það allavega hjá mér:

Stundum flytjum við sjaldnar en systkinin því foreldrarnir eru komnir með betri laun og hættir að skólast þegar maður fæðist
Stundum öfunda systkinin mann og finnst maður vera dekraður en stundum öfundum við þau á móti fyrir að hafa kynnst ömmu og afa
Stundum fær maður rosa flottar gjafir frá systkinunum því þau eru orðin gömul og eiga meiri pening en við
Stundum er rosa gott að eiga stóra systur sem talar við gamla settið þegar þau eru að fara yfir um út af unglingsstelpunni sinni og segir þeim að slaka á
Stundum er rosa gott að eiga stóran bróður sem hjálpar manni með tölvuna sína, kennir manni að hirða bílinn sinn, nær í þætti, myndir og tónlist fyrir mann og fer í Ríkið þegar maður er ekki orðinn tvítugur
Stundum er erfitt að slást við stóru systkinin því þau eru sterkari
Stundum græðir maður á því að stóru systkinin flytja að heiman snemma og maður fær risið fyrir sjálfan sig mjög snemma
Stundum er erfitt að feta í fótspor eldri systkina sem fóru í MR og tóku ekki mikið djammtímabil. Maður á það til að líta út eins og vandræðaunglingur í augum foreldranna
Stundum eignast eldri systkinin börn og maður er öðru hvoru blikkaður til að passa en maður veit það líka að þegar maður fer sjálfur að fjölga sér í framtíðinni verða þau orðin ráðsett og mun ekki muna um einn skrattakoll enn í hópinn þegar maður vill fara eitthvert ;)

Þegar ég fer yfir þessa punkta get ég ekki séð annað en að ég hafi það mjög gott sem örverpið enda mundi ég ekki skipta á systkinum mínum fyrir neitt í heiminum og ég elska þau í tætlur :)

Þá er búið að ákveða Akureyrarferð :D Við förum föstudaginn 7. mars og verðum yfir helgina. Árshátíð viðkiptafræðinnar verður bara að lifa af án okkar Nönnu ;) Það verður erfitt að toppa sumarbústaðaferðina en ég hef fulla trú á okkur! Það sem þarf að toppa frá því seinast er m.a:

Bílar og rútur festust, að mér skilst í sama skaflinum og bæði afleiðing af þunnum og þreyttum ökumönnum
Suddalegur matarslagur var háður, Aron vann klárlega eftir að ég fékk Chicago Town pizzu beint framan í mig. Pizza var ekki ætluð sem hárnæring né anditskrem, ég veit það núna.
Annar eins slagur var háður í heita pottinum. Fína, slétta hárið mitt átti ekki séns frá þeirri stundu sem ég steig fæti í pottinn. Ykkur stelpum verður ekki fyrirgefið eins fljótt ef ég þarf að standa ein gegn strákunum aftur. Ef Adam reynir að ljúga að hann hafi verið í liði með mér... þá er hann allavega lélegur liðsfélagi.
Ég vona að við þurfum ekki að leggja Sigga aftur í læsta hliðarlegu þegar hann drepst.
Sigrún aflaði sér ekki vinsælda í vinnunni þegar hún mætti alltof seint eftir að Rutla keyrði í skafl, en það skiptir kannski ekki máli því hún hætti í vinnunni til að geta verið með okkur!

Myndirnar úr ferðinni eru komnar á nýju myndasíðuna mína http://picasaweb.google.com/harpsa

Harpa með frestunaráráttuna kveður og ætlar að sökkva sér í mjög svo spennandi heimasíðu Marel „vei“ ;)

Jæja þá

Thu, 24 Jan 2008 21:14:26 GMT

Það fer aldrei vel þegar maður er neyddur til að blogga. Annars sit ég bara hérna heima hjá Gígju systur og er að passa vitleysingana mína :D En það er nú ekki fallegt að kalla þá vitleysinga, Daníel er búinn að vera að leiðrétta mig á ýmsum sviðum (aðallega í sambandi við vinnuvélar og bardagakalla) síðan hann var smákrakki. Núna rétt áðan var hann að leiðrétta mig þegar ég sagði honum að hlébarði væri hraðskreiðasta dýr jarðar. "Harpa, það er blettatígur"

Annars er það helst í fréttum að ég náði öllum prófunum :D

yfirlit yfir 2007

Sun, 06 Jan 2008 21:17:43 GMT

Hæhæ

Ég ætla að rifja upp það helsta sem gerðist á árinu 2007 og deila með þeim sem nenna að lesa, ég álasa engum sem kemst ekki í gegnum þetta því þetta er lööööööööng færsla ;)

Í byrjun árs 2007 var ég fyrsta manneskjan til að komast að því að Agnes mágkona væri ólétt. Hvað kom upp um það? Sú staðreynd að hún bloggaði um að hún hefði verið driver á gamlárskvöld. Þau Gústi eru vön að halda partý niðri og fá sér í glas saman. Svipurinn á Gústa þegar ég horfði í augun á honum og spurði hann út í grunsemdir mínar var óborganlegur, hann var svo kjánalegur að hann gat ekki reynt að neita þessu ;) Síðar komst ég að því að þau komust að þessu á aðfangadag, ætli það sé hægt að hugsa sér betri jólagjöf?

Í lok mars fórum við Ósk og Árni í bakpokaferðalag til Tælands. Við byrjuðum á að fljúga til London en í flugvélinni tókst Árna að gleyma veskinu sínu, góð byrjun ;) Sem betur fer fannst það og þá löbbuðum við á Piccadilly og Oxford til að drepa tímann þar til við þyrftum að fara í flugið áfram til Tælands. Við settumst m.a. inn á Planet Hollywood og á leiðinni út ákvað Ósk nú að kíkja undir borðið til að vera 100% viss um að ekkert væri að gleymast í þetta skiptið og hvað fundum við þar nema veskið mitt ;)

Við stoppuðum ekki lengi í Tælandi í þetta skiptið eða bara á flugvellinum í örfáar klukkustundir. Á þessum tíma tókst Ósk engu að síður að gleyma flugmiðunum sínum í stiga sem við settumst í en sem betur fer voru þeir enn þar þegar við fórum að leita að þeim. Ég veit ekki hvað hefði gerst ef einhver ræstingakona hefði tekið þá því flugvöllurinn í Bangkok er risastór!!! Þaðan héldum við til Kuala Lumpur í Malasíu og eyddum yndislegum 5 dögum. Við fórum m.a. í stærsta verlsanaklasa í heiminum sem er á 10 hæðum og inni í honum er skemmtigarður. Við kíktum líka á tvíburaturnana í Kuala Lumpur sem eru hæstu byggingar heims og upp í annan turn sem er ekki jafn hár en hár engu að síður. Við keyrðum upp í fjöll í skemmtigarð sem reyndist vera lokaður vegna rigningar og vorum sko ekki sátt við þá tímasóun, enda urðum við að sætta okkur við ekki eins spennandi „innigarð“ og keyptum skoðunarferð um Kuala Lumpur og nágrenni þar sem okkur voru m.a. sögð nöfnin á öllum helstu hótelum sem við keyrðum fram hjá, frekar óþarft að mínu mati þar sem við vorum þá þegar búin að borga fyrir hótel ;) Þegar við fórum í indónesíska sendiráðið til að fá visa til Indónesíu komumst við að því hvaða máli það skiptir að vera hvítur túristi; okkur var fylgt af vörðum fram hjá margra klukkustunda biðröð úti í garði og inn í loftkælt herbergi til að bíða. Einhverra hluta vegna hættum við þó við þetta og hurfum á brott.

Aftur flugum við til Tælands og eyddum nokkrum dögum í Bangkok áður en ferðin sem við vorum skráð í byrjaði. Eitt sem við hefðum átt að gera: hafa kort fyrir leigubílstjórana. Það að setjast upp í leigubíl og segja Viengtai hotel er nokkurn veginn gagnlaust oft á tíðum enda Bangkok hjúmangöss og til að byrja með svo ruglandi að við tókum einu sinni leigubíl í næstu götu ;)

Við byrjuðum ferðina í River Kwai. Þar komst ég að því að Kwai er borið fram kve en ekki kvæ því ef þú segir kvæ ertu að segja river penis ;) Þetta fannt mér alveg æðislegur staður en við gistum á litlu gesthúsi sem flaut á fleka svo í hvert sinn sem bátur fór framhjá kom veltingur. Þarna fórum við að skoða brúna og brautarteinana sem breskir og bandarískir stríðsfangar byggðu í heimsstyrjöldinni og fórum líka á safn tileinkað þessum atburðum og skoðuðum kirkjugarð þeirra, einn af nokkrum víst. Safnið var byggt upp sem sambærilegur kofi og þeir fengu að hírast í og við sáum ljósmyndir og fleira sem lýsti aðbúnaði þeirra sem þar dvöldu og það var mjög sorglegt. Sorglegast fannst mér þó að sjá ómerktar grafir og hugsa til þess að þarna hvíldi einhver sem ætti fjölskyldu sem hefði ekki hugmynd um hvað varð um ástvin þeirra. Í sömu ferð fórum við að skoða klaustur sem er hellir og ég var hetja og fór inn :D Þarna urðum við vitni að kennslu/bænastund hjá litlum sætum munkum sem kallast víst eitthvað annað en munkar fyrir tvítugt en ég man bara ekki hvað ;)

Daginn eftir fórum við að skoða Erawan waterfalls og þar gerðu litlir fiskar heiðarlega tilraun til að éta mig þegar ég fór að synda í vatninu ;) Orkuboltarnir sem við erum þá löbbuðum við upp meðfram öllum fossunum en þetta var nokkurra klukkustunda ganga. Á leiðinni niður sáum við Ósk hversu mikilvæg trúin er því að við mættum nokkrum munkum og af því að axlirnar voru ekki huldar hörfðuðu þeir eins langt frá okkur á stígnum og mögulegt var og forðuðust að líta á okkur. Síðar um daginn fórum við í Tiger Temple í Kanchanaburi og fengum að klappa tígrisdýrum... draumur í dós :D

Þaðan til Ayutthaya eina dagstund áður en við héldum áfram með næturlest. Þar sáum við borgarrústir og ekki vitandi að eitt af þessum rústum var gamalt klaustur eða álíka gleymdi Ósk að hylja herðarnar áður en hún labbaði þangað. Svipurinn á Tong meðan hann reyndi að stama einhverju útúr sér er ólýsanlegur og þar sem hann kom ekki upp orði fyrir geðshræringu endaði ég á að kalla á Ósk og minna hana á herðaregluna. Ég er ekki búin að minnast á það að á þessum stundum vorum við alltaf í buxum sem náðu niður fyrir hné, enn ein fatareglan. Þetta var góður dagur, Tong labbaði um með okkur og sagði okkur aðeins um sögu Tælands. Í Aytthaya var tepruskapurinn farinn að minnka enda fór ég þarna í sturtu með kónguló. Ég verð samt að viðurkenna að mér stóð ekki á sama þegar hún var horfin eftir að ég hafði lokað augunum eitt augnablik, þá var mín fljót að þurrka sér og drífa sig út úr sturtuklefanum... eftir að hafa hrist fötin vel að sjálfsögðu. Í næturlestinni um nóttina fengum við upgrade og fengum að ferðast í loftkældum klefum, það var lúxus sem við gerðum okkur enga grein fyrir fyrr en síðar í ferðinni. Það sem var ekki lúxus var það sem Ósk sá þegar hún var að leita að Árna og opnaði vitlausa koju.... Við skulum bara orða það þannig að hún sá Lucas gera eitthvað sem enginn ætti að þurfa að sjá óvart og eitthvað sem við bjuggumst ekki við þegar eiginkonan svaf í kojunni fyrir ofan ;)

Nú vorum við komin til Chiang Mai og einmitt þegar Tælendingar voru að fagna nýju ári. Það fer þannig fram að þeir bleyta alla sem fram hjá fara og sérstaklega túrista svo á helstu götum bæjarnins var hreinlega flóð, allir saman komnir með vatnsbyssur, fötur og heilu körin af vatni, sumir m.a.s. svo nasty að þeir voru með klaka í vatninu. Ekki mikið mál fyrir okkur Íslendingana en við sáum suma sem voru vanari heitara loftslagi með glamrandi tennur. Á fyrsta degi fannst okkur þetta æðilsegt, á öðrum degin ennþá gaman en við entumst ekki eins lengi, á þriðja degi vorum við fegin að vera á förum ;) Maður komst ekki út úr húsi án þess að vera gegnsósa og vatnið sem var notað... ekki svo hreint... enda endaði þetta í augnsýkingu hjá mér.

Seinasta kvöldið (eins og svo mörg önnur) duttum við í það en í þetta skiptið sváfum við næstum yfir okkur áður en við fórum í 3ja daga göngu um frumskóginn og pökkuðum þess vegna í heldur miklum flýti um morguninn. Afleiðingin var sú að ekkert okkar þriggja var með myndavél og ég ekki með nein gleraugu en það var ekki fyrr en síðar um daginn að ég komst að því að ég væri með sýkinguna í auganu. Ég labbaði þess vegna tvo daga um frumskóginn hálfblind en ég þorði ekki að vera með linsu þeim megin sem sýkingin var. Engu að síður var þetta allt mjög gaman, við byrjuðum á að fara á fílsbak og ég, Ósk og Jack fengum stærsta og líklega geðvondasta fílinn en hann var sísvangur ;) Svo byrjaði gangan og við löbbuðum endalaust upp í móti. Um nóttina gistum við í kofa sem var ekki svo ólíkur þeim sem fangarnir bjuggu í við River Kwai ;) Við böðuðum okkur í fossinum og um nóttina þegar ég þurfti á klósettið fann ég ekki vasaljósið og þurfti að lýsa mér með i-podinum en það var nauðsynlegt því þó að ég hefði svo sem ratað á kamarinn gátu leynst snákar eða önnur hættuleg dýr á stígnum og við vlijum ekki stíga á svoleiðis kvikindi ;) Það kom mér nú á óvart hvað ljósið af i-pod er sterkt ;)

Daginn eftir héldum við áfram upp fjallið og síðar um daginn komum við í þorp hjá innfæddum þar sem við gistum þá nóttina. Tong labbaði með okkur um þorpið en innfæddir voru feimnir svo við sáum ekki mjög mikið af þeim. Þegar við böðuðum okkur þarna þurftum við aftur að gera það í ánni en í þetta skiptið vorum við á almennum baðstað þar sem von var á því að rekast á heimamenn. Því þurftum við stelpurnar að vera í hólkum sem voru bundnir ofan við brjóstin og náðu niður á kálfa og meðan við vorum ekki ofan í vatninu sjálfu máttu við gjöra svo vel að hafa lítil handklæði yfir öxlunum. Þó að við værum komnar ofan í vatnið máttum við ekki fara úr hólkunum heldur urðum að finna leið til að baða okkur fram hjá þeim. Þetta gerðum við meðan strákarnir stungu sér útí og syntu og léku sér á sundskýlunum einum fata. Kynjamisrétti hvað...?

Seinasta daginn af göngunni endurheimti ég loksins linsuna mín þar sem sýkingin var næstum farin og vá... ég sá hvar ég átti að stíga og hætti þar af leiðandi að vera aftast í hópnum að reyna að þreifa mig áfram ;) Áður en við fórum aftur á gesthúsið hennar „ömmu“ í Chiang Mai fórum við í river rafting og það var sko ekkert líkt því sem gerist hér heima. Við vorum sett á fleka sem var búinn til úr svona 5 bamboo prikum sem voru bundin saman, en áin var nú ekki nema rétt hálfur metri á dýpt ;) Þar sem Song Khran festival stóð enn yfir komum við gegnblaut til baka og mín í vondu skapi farin að sjá fyrir sér aðra þrjá daga með gröft í auganu.

Eftir að hafa djammað af okkur rassgatið aftur í Chiang Mai og dregið Tong með okkur á ping pong show héldum við áfram til Tha Ton þar sem við stoppuðum eina nótt. Þar misskildum við Ósk strákana og fórum að leita að þeim í miðbænum um kvöldið meðan þeir biðu eftir okkur á hótelinu. Vegna tímans sem við misstum þar fengum við tvo stráka á skellinöðrum til að skutla okkur aftur á hótelið og þeir voru sko hetjurnar í vinahópnum það kvöldið ;)

Frá Tha Ton til Chiang Rai með smá viðkomu í Laos og Burma. Í Burma fundum við ódýrasta bjórinn og í Laos smökkuðum við snákavín, með snákavín meina ég vín með snák í botninum og horfðum á brjálaðan apa reyna að stela myndavélinni hennar Óksar!! Í Chiang Rai fengum við að slaka á en lentum í stormi sem skall á á 5 mínútum, ferlega spooky. Um kvöldið fengum við okkur í glas og byrjuðum að æfa okkur í fötudrykkju, þ.e. fata sem er fyllt með víni og blandi og það endaði í talsverðri ölvun.... eins og svo oft áður ;) Árni kastaði upp á við barþjóninn um að fá meira red bull í sína fötu en löglegt er og vann, barþjóninum til lítillar gleði ;) Red bull í Tælandi er ekki það sem við fáum hér heima, það er mun sterkara. Um nóttina laumaðist Tong út út herberginu okkar Óskar þar sem hann sofnaði, líklega of mikill kvenleiki fyrir hann ;)

Næturlest aftur til Bangkok og þarna komumst við sko að því hvers virði loftkælingin var. Það voru tvær kojur sitt hvoru megin við ganginn og ein vifta sem snerist á milli. Ekki að það væri oft mikið sofið í lestunum, veitingavagninn var opinn eitthvað fram eftir ;) Í Bangkok hittum við nýja hópinn og Tong komst að því að æskuvinur hans væri dáinn og hann komst ekki í jarðarförina því hann þurfti að halda áfram með okkur !!

Nú var haldið í Khao Sok regnskóginn sem var yndislegur staður. Við fengum eigin kofa og sváfum þar í óeðlilega miklum hávaða frá Gekko eðlunum, að við héldum. Daginn eftir kom í ljós að apar leika lausum hala á þessum tíma árs og það voru þeir sem öskruðu og hoppuðu á þakinu hjá okkur og komu inn til okkar. Um daginn stálu þeir m.a.s. mat frá Tong sem var frekar brugðið þegar hann sá að það hafði verið brotist inn hjá honum. Það komst samt upp hver hafði verið að verki því ekkert vantaði nema mat ;) Við gerðum heiðarlega tilraun til að labba gegnum regnskóginn en þegar blóðsugur byrjuðu að ráðast á okkur hlupum við öskrandi heim. Árni og James ákváðu að vera hetjur og halda áfram og þeir voru ekkert bitnir.... unfair. Í Khao Sok fórum við „tubing“ eða flutum á dekkjum niður heila á í sólskininu.

Nú vorum við loksins á leiðinni á sólarströnd. Í Ko Samui leigðum við jeppa og fórum að skoða „ömmu“ og „afa“ sem eru tveir klettar, hlið við hlið, sem líta út eins og kynfæri ;) Keyrðum aðeins um eyjuna og skoðuðum okkur um. Við Ósk ákváðum að vera grand á því og fengum okkur svítu alveg við ströndina. Það kostaði líklega 4-5000 kall á mann nóttin ;) Þarna gátum við slakað á og þar sem Jack var staddur á næstu eyju kom hann og gisti eina nótt J

Seinasta stoppið var á Ko Tao eyju. Vegna rigningar var snorklunarferðinni aflýst og við Ósk skelltum okkur á næstu eyju, Ko Pha Ngan, til að djamma á full moon partýi. Það er geðveikt, fullt af fólki að djamma á ströndinni, drekkandi fötur og bara... gaman!! Við eyddum seinustu dögunum í Bangkok í að versla og skoða fljótandi markað.

Í London hittum við vini Óskar og þeir sáu til þess að við skemmtum okkur vel. Við skoðuðum vaxmyndasafnið og Buckingham en orðin þreytt á að vera túristar eyddum við mestum tíma í að rölta Oxford og slappa af. Í London komst ég að því þegar ég hringdi heim að arkitektaskólinn í Aarhus sem ég hafði sent umsóknarverkefni ætlaði að leyfa mér að koma í inntökupróf svo eitt það fyrsta sem e´g gerði þegar ég kom heim úr 6 vikna fríi var að biðja um annað frí ;)

Þessar frásagnir frá bakpokaferðalaginu eru ekki nema brotabrot og lýsa ekki þeirri upplifun sem þetta var og öllu fólkinu sem við kynntumst. Ég mæl með þessu við alla, maður kynnist sjálfum sér alveg upp á nýtt og ég veit að ég mun gera eitthvað svipað aftur.

Á laugardegi seinnipartinn í maí fórum við Dagbjört sem var á leiðinni í sama inntökuprófið saman til Danmerkur og kíktum við hjá Betu og Jónasi í leiðinni. Við komum á laugardagskvöldi og ætluðum sko laglega út að skemmta okkur en vorum fyrstar til að sofa ;) Prófið var í tvo erfiða daga í Aarhus en mjög skemmtileg lífsreynsla og gaman að koma út fyrir Kaupmannahöfn. Í júní fór ég í annað ferðalag eða norður í fyrsta skipti í tvö ár, samt ekki í skemmtiferð heldur jarðarför hjá Björgvini mági pabba sem lést úr krabbameini eftir harða baráttu.

Sumarið var hrein geðveiki í vinnunni og ég var að skila 220-260 klst á mánuði. Það stoppaði mig samt ekki í að halda upp á afmælið mitt þegar ég varð 21 árs þann 07.07.07 J eigum við eitthvað að ræða flotta dagsetningu ;) Við stelpurnar kíktum á Tapas og svo var haldið fámennt en góðmennt partý um kvöldið, allir að ferðast í byrjun júlí, ég er farin að venjast þessu ;)

Verslunarmannahelgin var framar vonum J Við Sigrún vorum þær einu af „the fab 5“ sem skelltum okkur en við skemmtum okkur ekkert minna. Á föstudagskvöldinu tókst mér að týna bakpokanum sem báðir bíllyklarnir höfðu óvart lent í og hann fannst ekki fyrr en seinnipartinn á laugardeginum, eftir að löggan hafði opnað Sambó fyrir mig og beyglað hann í leiðinni! Þrátt fyrir hræðilega veðurspá var sól og logn í Eyjum og við Sigrún fórum og skoðuðum okkur um eftir að lyklarnir fundust ;) Hvern hefði þó grunað hversu hræðilegan endi þessi helgi hafði en meðan ég lá í leti uppi í sófa heima hjá Sigrúnu að horfa á „Með allt á hreinu“ fékk ég símtal frá Ella hjá Heklu sem spurði hvort ég hefði ekki fengið fréttirnar, Eiki hefði látist í bílslysi um nóttina. Nú sé ég eftir því að hafa verið það drukkin að ég man ekki almennilega hvað okkur fór á milli þegar þeir Freyr hringdu í mig á sunnudagskvöldinu :(

Við Nanna byrjuðum í viðskiptafræði í HÍ um haustið og stunduðum vísindaferðirnar grimmt og ég býst ekki við að það verði breyting á nú eftir jól þegar þessi elska kemur heim frá Kúbu ;) 13. September eignaðist ég líka litla bróðurdóttur sem var skírð Apríl Nótt og stuttu síðar fluttu Gústi og Agnes úr kjallaranum í flotta íbúð í Hafnarfirði. Haustið leið fljótt og við tóku jólaprófin með tilheyrandi stressi, ein einkunn komin og ég krossa fingurna og vona að ég nái hinum fjórum... eða allavega þremur af þeim því þá er námslánunum borgið.

Ég held að þetta sé það helsta frá árinu 2007 (þó ég hafi örugglega gleymt heilum helling;)) og ég klappa fyrir öllum þeim sem komust ég gegnum þetta allt ;)

Kv, Harpa

Föst í vinnunni á aðfangadag

Mon, 24 Dec 2007 12:11:06 GMT

Jæja þá er loksins kominn aðfangadagur :) Ég væri núna á leiðinni heim að klára að pakka gjöfunum og þrífa og svona kósíheit ef að vélin til Ísafjarðar hefði ekki snúið við vegna ófærðar og allir í vélinni ætla að leigja bíl til að keyra heim. Svo að ég þarf að bíða.... og bíða.... ooooog..... bíða.... eftir að vélin lendi og þá sjá til hversu margir vilja bíl og hversu slæmt ástandið verður :( Það er vonandi að það reddist.... annars verð ég bara að klára að pakka meðan hinir í fjölskyldunni borða ;) Mest finn ég til með þeim sem eru í vélinni og ætla að gera heiðarlega tilraun til að komast heim.

Gleðileg jól og hafið það gott :)

Kv, Harpa workaholic ;)

Nennir einhver að hringja á Klepp fyrir mig??

Tue, 18 Dec 2007 00:32:43 GMT

Til hamingju Haskóli Íslands, þér hefur tekist að brjóta mig niður. Ég er búin á því andlega og farin að sjá fram á "glæstan" frama í einhverri vinnu eftir áramót að borga upp yfirdráttinn því líkurnar á a fá námslánin eru orðnar hverfandi.

Og hér með vil ég nota tækifærið og lýsa eftir Hörpu fyrir 17 ára aldurinn sem var samviskusöm og duglegur námsmaður, alltaf með góðar einkunnir. Þeir sem vita hvar hún heldur sig vinsamlegast hafið samband í kommentunum hér fyrir neðan...

Afvegaleitt fólk

Fri, 07 Dec 2007 11:40:53 GMT

Mér finnst persónulega mjög gott þegar fólk finnur sér tilgang í lífinu, sérstaklega þegar það er að hjálpa öðrum. En stundum þá rekst maður á fólk sem farið svo langt útaf sporinu að það er hætt að vera fyndið. Núna er ég með Kolbrúnu í vinstri grænum í huga og þessa tillögu um að hætta að klæða börn í bleikt og blátt á fæðingardeildinni. Hvernig væri að einbeita sér að einhverju sem skiptir máli, fólki sem á í raun og veru bágt??? Það er sko alveg nóg af því á Íslandi, það er ekki eins og það þurfi að leita til Afríku. Og af hverju mega kynin ekki vera ólík? Þau eru ekki eins, hafa aldrei verið og munu aldrei vera. Mér finnst þetta komið svo langt út fyrir jafnréttisbaráttu kynjanna að mér finnst þetta svartur blettur á þeirri baráttu. Hún er að gera konur að athlægi. Ég er stolt af að vera kona, má ég það ekki? Er minnimáttarkennd kvenna svona gífurleg?

En í skemmtilegri málefni :) Ég er búin með fyrsta prófið mitt í háskólanum og þá eru "bara" fjögur eftir ;) Smá spennufall í gangi hérna á bæ hehe. Við stelpurnar ætlum sko að taka því róelga í kvöld og anda fyrir næstu lotu :)

Draugahús

Wed, 05 Dec 2007 12:28:22 GMT

Ég er farin að halda að það sé reimt heima hjá mér. Nokkrar ástæður:

1. Þegar ég var yngri fann ég mömmu í panikki í eldhúsinu því hún fann ekki giftingarhringinn sinn sem hún hafði lagt frá sér í hillu sem er ca 10x20 cm og var m.a.s. búin að rífa allt úr hillunni til að leita. Það fyrsta sem ég sá þegar ég leit í hilluna var hringurinn... Spooky?

2. Mamma bað mig um seinustu helgi að hengja upp úr þvottavélinni. Þegar ég kom niður í þvottahús var vélin á pásu því það var búið að skrúfa fyrir vatnið. Að sjálfsögðu bjóst ég fyrst við að mamma hefði bara gleymt að skrúfa frá því til að byrja með, en staðreyndin var sú að vélin var búin að þvo í 7 mínútur áður en vatnið var tekið. Pabbi gerði þetta ekki heldur og þá er eftir.... draugur?

3. Ég sat ein niðri í eldhúsi áðan þegar útvarpið fór skyndilega í gang, ekki þægilegt!

Kíkið svo á þetta... SNILLD

http://youtube.com/watch?v=YevYBsShxNs

P.S. þeir sem kommenta endilega skilja eftir linkinn að ykkar síðu svo ég geti bætt þeim hérna til hliðar :D Það var öllu eytt af gamla girlublogginu svo ég kann engar síður lengur hehe

OMG mín með blogg og læti

Tue, 04 Dec 2007 17:20:43 GMT

hæhæ

Mig langaði bara svo að prófa.... mitt eigið territory múhahahaha ;) Nei en svona í alvöru, maður verður að hafa eitthvað fyrir stafni í prófunum og hvað er betra en að setja upp jólasíðu og kannski nokkur jólalög BARA fyrir Nönnu híhi :klikk:;)

Verður maður ekki að segja örsögu í tilefni dagsins? Eitthvað sem er lýsandi fyrir Hörpu sem er alltaf utan við sig..... Ég ætlaði að tannbursta mig um daginn og tók upp túbuna (annars hugar eins og alltaf) og var byrjuð að kreista þegar ég fattaði að ég hélt á andlitskreminu en ekki tannkreminu. Mér til varnar þá eru túburnar næstum eins á litinn :$ En sjæse, sem betur fer fattaði ég þetta nógu snemma því ég held að bragðið hefði ekki verið gott 8|